正常復課後，平日除咗返學，真係唔會去太遠嘅地方，剛好爸爸放假就決定放學出去走一走，放電都要嘅😌之前嶠媽去荃灣學瑜伽，已經發現到原來荃灣有個好靚嘅海濱長廊，所以就決定帶芊嶠同劻霖去行下❤️
荃灣海濱長廊位於荃灣西，一路去到荃灣麗城花園嗰邊，都幾長下㗎！不過今次去嘅其中一個原因就係為咗見 #癲噹，癲噹係一隻療癒系貓咪🐱，鐘意食嘢 (同劻霖咁似嘅🤔)，又鐘意搞笑嘅傻貓貓，仲希望用療癒去改變世界添呀！
我哋今次仲坐上咗 #癲噹巴士，必定要去搭呀！仲有偷偷坐咗喺石上面嘅 #癲噹美人魚，大家係岸上同佢 say hello 就好，千其唔好爬落去同佢合照呀❌。仲有記住去 #海濱癲噹碼頭 同釣緊魚嘅癲嚟合照喔📸
另外仲有個 #癲噹開心村，入面會見到癲噹同佢嘅好兄弟阿讚貓，入面仲有好多唔同場景，芊嶠同劻霖都大叫 #癲噹好可愛，我哋仲瘋狂同癲噹合照！最後點少得嘅係喺海濱長廊跑返一轉喎😎
#VictoriaHarbour #維多利亞港 #維港癲噹開心村 #海濱癲噹碼頭 #dindongpier #荃灣
Search